KDI: Programet tona Demokratizimi dhe Praktikat Parlamentare (DPP)

Maj 2013

Hë

Më

Programet tona

Demokratizimi dhe Praktikat Parlamentare (DPP)

Gjatë periudhës së para-pavarësisë, zhvillimi i demokracisë në Kosovë ka qenë kryesisht i zhvilluar falë asistencës së komunitetit ndërkombëtar. Që nga shpallja e pavarësisë së Kosovës, përgjegjësitë e vazhdueshme për një tranzicion të lehtë dhe promovim të vlerave demokratike dhe të transparencës u janë dhënë institucioneve vendore.

Sikurse Kuvendi që merr përgjegjësinë e plotë për të siguruar një legjislaturë të konsoliduar dhe të pavarur, edhe shoqëria civile është e thirrur për të kryer funksionet vitale dhe të nevojshme si monitorimi, avokimi, dhe ndërmjetësimi në mes të qytetarëve dhe zyrtarëve të tyre të zgjedhur.

DPP do të vazhdojë të monitorojë Parlamentin, për tu siguruar që ky institucion të reflektojë interesin publik, ti përmbush obligimet e tij kushtetuese, të promovojë përgjegjësi dhe transparencë, të jetë dakord me rregullat dhe procedurat e tij, dhe t’ui përmbahet standardeve universale të qeverisjes së mirë.

DPP do të vazhdojë të shërbejë si urë lidhëse në mes të Kuvendit dhe elektoratit, duke nxitur dialogun në mes të të zgjedhurve dhe zgjedhësve, si dhe të promovojë fuqizimin e votuesit për të mbajtur zyrtarët e zgjedhur të përgjegjshëm dhe llogaridhënës.

DPP mbështetë zhvillimin e demokracisë dhe praktikave parlamentare, duke inkurajuar mobilizuar dhe koordinuar pjesëmarrje më të madhe qytetare në vendimmarrje dhe përfshirje të organizatave të shoqërisë civile (OSHC-ve) në aktivitete të avokimit për një bazë sa më të gjerë qytetare në mënyre që të ndikohet në orientimin dhe hartimin e ligjeve dhe politikave te legjislacionit Kosovar.

Kontributet e DPP për reformat dhe demokratizimin e institucionit të Parlamentit e bënë përmes raporteve periodike të vlerësimit, përgatitjes së analizave politike, takimeve të drejtpërdrejta me zyrtarë të zgjedhur dhe qeveritar, organizimit të tryezave për përballje mes qytetarëve dhe zyrtarëve të zgjedhur nga nivele të ndryshme, vlerësimit për përformancën individuale të deputetëve, grupeve parlamentare dhe Kuvendit të Kosovës.

Përmes implementimit të këtij programi, Instituti Demokratik i Kosovës (KDI) do të vazhdojë të kontribuojë në ndërtimin dhe forcimin e institucioneve demokratike të Kosovës, si dhe rritjen e angazhimit qytetarëve në proceset demokratike.

Projektet aktuale nga në kuadër të këtij programi:

Promovimi i transparencës dhe llogaridhënies së Parlamentit

Arkivi i projekteve